LAOAG CITY – Napalaos ti panagyaman dagiti nagannak dagiti Day Care pupils, kindergarten ken grade schoolers iti ili ti Carasi iti Provincial Quarry Office, Miners of Ilocos Norte Association ken iti LGU-Carasi iti panangipaayda ti school supplies ken makan kadagiti ubbing.
Daytoy ket kabayatn ti Maligayang Pasko Handog ng Minero program iti nasao nga ili.
Segun kenni Ms. Vangie Butad, maysa a lola ti Grade 2 pupil, maysa daytoy kadagiti kararagsakan a paskua ti apoko na gapo kadagiti naawatna a narway a regalo.
Mangnamnama daytoy nga agtultuloy ti kastoy a programa ti nasao mga asosasyon ken ti probinsia.
Inlawlawag met ni Engr. Renato Rimando, head ti provincial Quarry office a parte ti commitment dagiti quarry permittees a tumulong iti komunidad.
Kunana nga adda ti maawawagan a Social development and management program no sadinno ti naggapoan ti pondo a naigatang kadagiti school supplies a naibunong ket 1.5% iti gross income-da iti tinawen.
Naamoan a nasurok 270 nga ubbing dagiti naikkan ken saan laeng a dagitoy ti manamnama a maikkan kadagiti sumarsaruno a programada, no diket uray dagiti PWD, Senior citizen ken dadduma pay a sektor.
Mainaig iti daytoy, nagyaman met ni Vice Mayor Marielle Alelie Gaspar iti ili ti Carasi gapo ta ti ili da ti napili a maipaayan ti nasao a tulong.
Naamoan nga ado ti lugar a nagpilyan da a maikkat ken ti ili da ti napagasatan.
Kabayatanna, iInbatad met ti President ti Miners of Ilocos Norte Association a ni Mr. Mcray Teodoro, a ti asosayonda ket nakapokus, saan laeng nga iti panag-quarry no diket pati ti panangannong da ti corporate social responsibility da.
Innayon na a daytoy ti ummuna a gift giving ken feeding program kadagiti ubbing gapo ta imbes nga ag-Christmas program da ket daytoy ti napanunut da tapno maparagsak dagiti ubbing.
