LAOAG CITY – Nasurok 30 a tattao ti natay ken sumagmamano pay ti nasugatan kalpasan a pinuntiria ti maysa a suicide bomber ken gunmen ti beachfront location iti Somali capital, segun kasagiti otoridad.
Kinuna ni Abdifatah Adan Hassan a nasurok nga 60 a tattao ti nasugatan, ken dadduma kadakuada jet adda iti kritikal a kondision.
Ti panangraut ket inaramid dagiti militante ti al-Shabab a mangkonkontrol iti southern ken central Somalia.
Ti grupo ket adda pakainaigan na iti al-Qaeda ken nangisayangkat iti brutal nga insurhensia iti dandani 20 a tawen maibusor iti gobierno a supsuportaran ti United Nations idiay Somalia.
Maysa kadagiti nakasaksi ti nangipakaammu a dagiti tattao ket nabalkot ti panagbuteng, gapu ta nagsasaruno pay dagiti pammaltog a napasamak kalpasan ti panagbettak.
Kinuna ni Abdilatif Ali, a sumagmamano kadagiti residente ti nangpadas nga aglimmeng iti underground, idinto a dagiti dadduma ket pinadasda ti agtalaw iti pagtaengan da.
Kabayatanna, saan met a kumurang a lima a tattao ti responsable iti panangraut.
