LAOAG CITY – Naawaten dagiti 322 nga estudiante ti stipend dagitoy manipud iti City Scholarship Program iti lokal a gobierno ditoy siudad ti Batac.
Indauluan ni Mayor Michael Marcos Keon ti nasao nga aktibidad no sadino nagatendar pay ni Vice Mayor Rey Carlos Fariñas.
Naammoan a kadagupan iti nasao a bilang, 84 nga estudiante ket balligi a nakaturpos manipud kadagiti nagduduma a kolehio ken unibersidad ditoy probinsia.
Mainaig iti daytoy, naipaay ti sertipiko kadagiti maseknan nga agad-adal kagiddan ti pannakaiyawat ti maudi nga stipend dagitoy.
Kabayatanna, mangnamnama ni Mayor Keon a babaen ti nasao a tulong pinansial ket ad-adda pay nga igaed dagiti estudiante iti panagbasada agingga a makaturposda ken magun-odda dagiti arapaapda iti biag.
