LAOAG CITY – Kinumpirmaran ni Dr. Robert Pungtilan, ti City Veterinarian iti ciudad ti Batac nga agarop 40 agingga iti 50 a kilo ti karne ti baboy iti Barangay Payao iti nadakamat a ciudad.
Segun kenni Pungtilan, saan a naparti iti slaughter house ti ciudad ti baboy.
Inlawlawag na nga iti laksid a pangpersonal a rason ti pannakaparti ti baboy ket masapol latta a dumalan iti slaughter house nangruna ket addan ti kaso ti African Swine Fever (ASF) iti ciudad.
Mainaig iti daytoy, kuna ni Pungtilan a nagparti ti baboy dagiti indibidual no sadinno nga isu ti kanen da kabayatan ti panaglukat ti negosyo da ditoy ciudad ti Laoag.
Inbatad na a nailawlawag kadagiti maseknan a maiparit ti panagiruar ti baboy manipud iti ciudad ti Batac iti laksid a red zone met laeng ti pakaipanan na.
Innayon na a dagus met a naikali ti karne ti baboy a nakumpiskar dagitoy.
