LAOAG CITY – Nasurok 40 a ribo a tattao ti naibakwit dagiti otoridad iti lugar idiay California a naapektaran ti wildfire.
Daytoy ti inpakaammo ni Mrs. Evelyn Macatbag iti San Diego California, tubo ti Brgy. 4 Sarrat, Ilocos Norte.
Ikar-kararag na a saanen a lumawa ti maapektaran ti wildfire kangrunaan idiay Ventura County tapno saanen a maapektaran ti adu a tattao.
Uray adayo da idiay Ventura ken adda iti abagatan a paset iti California ti San Diego ket napalagipan da gapu ti kelaat a panagpudot ti panawen.
Innayon na nga adu payen ti agsaksakit gapu ti panagbaliw-baliw ti panawen.
