LAOAG CITY – Inrakurak ti Department of Environment and Natural Resources a dumanon iti 558 nga establishimento iti uneg ti chololate hills ti awan ti kaskenan a Protected Area Management Board endorsement ken Environmental Compliance Certificate.
Iti panagdengngeg ti Natural Resources Committee hearing iti Kamara maipapan iti kontrobersial a report ti chocolate hiils, kuna ti Department of Environment and Natural Resources nga inimbentaryo daytoy dagiti pasdek iti uneg ti heritage site.
Idi Mayo 10, nakairekord ti Department of Environment and Natural Resources ti 637 establishments, dagiti laeng 6 ti addaan ti kaskenan a dokumento idinto a 558 met ti awan.
Nupay kasta, inlawlawag ni Regional Exec Director Paquito Melicor a dagiti nasao a pasdek ket naipasdek kadagiti daga a legally titled kadakuada.
Karaman iti establishments ti multi-purpose centers, sari-sari store, farm to market roads ken dadduma pay.
