LAOAG CITY – Umaboten ti 5,200 a gingined ti napasamak iti Big Island, Hawaii sipud nangrugi a bimtak ti Kilauea Volcano.
Daytoy ti kinumpirmaran ni International Bombo Correspondent Manny Pascua basar met laeng ti datos ti Pacific Tsunami Warning Center a nakabase iti Hawaii.
Maipalagip nga agmaysan a bolan intono bigat sipud nangrugi a bimtak ti nasao a bulkan.
Inbatad ni Pascua a ti kapigsaan a gingined a gubuay ti Kilauea eruption ket ti magnitude 6.9 a gingined idi Mayo 4 a nangparnuay ti bassit a tsunami.
Innayon na a kaadoan kadagiti gingined ket napasamak iti mismo nga arubayan ken masakupan ti Kilauea Volcano idiay Big Island.
