LAOAG CITY – Inbatad ni Laoag City Mayor Michael Marcos Keon nga umabot iti 61,806 a doses ti bakuna a para booster shot ti naawat ti ciudad ti Laoag manipud iti Dept. of Health.
Segun kenni Keon, manipud iti nasao a doses ket 1,500 ket Gameleya Sputnik; 8,286 doses ti sinovac; 20 a ribo a doses ti Moderna; 16,860 ket Pfizer a maited kadagiti agtawen ti 12 agingga iti 17, ken 15,160 doses nga Astrazenenca vacine.
Rakurak daytoy ni Keon apaman a nairubwat ti pannnakaitudok ti booster shot iti Laoag City General Hospital (LCGH).
Nagyaman met ti mayor iti DOH gapo iti ado a doses ti bakuna a naipaay ditoy ciudad a dakkel a tulong tapno malabanan ti covid-19.
Mainaig iti daytoy, maysa kadagiti ummuna a nakaawat ti booster shot ket ni Mayor Keon ken dagiti Dept. Heads.
Kabayatanna, kuna ni Keon nga adalen na a nalaing ti sitwasyon seknan iti covid-19 sakbay a mangaramid ti statement wenno deklarasyon.
