LAOAG CITY – Indauluan ti Department of Health (DOH) iti babaen ti Health Human Resource Development Bureau – Career Development and Management Division (HHRDB – CDMD) ti panaggigiddan a pre-deployment orientations para iti Doctors to the Barrios (DTTB) ken Espesyalista Para sa Bayan (EPSB).
Naiyuswat daytoy sakbay pay a naipatulod dagiti doktor kadagiti lugar a naidesignar kadakuada.
Ti maysa a lawas nga aktibidad ket nagserbi a panangtarabay kadagiti 77 a Doctors to the Barrios ti Batch 41-B ken 28 a medical specialist.
Kangrunaan a topiko iti orientation ket ti safety and security process pakairamanan ti panagsagsagana kadagiti parikot kadagiti barrio.
Iti uneg ti nasurok 30 a tawen, ti Programa ti Doctors to the Barrios ket mangiwarwaras ti Rural Health Physicians (RHPs) kadagiti sumagmamano a Geographically Isolated and Disadvantaged Areas (GIDAs).
Daytoy ket agdama nga agserserbi kas paset ti return service dagiti medicine scholars ti Pre-Service Scholarship Program (PSSP) ti Department of Health.
