LAOAG CITY – Inpakaammu ti Health Ministry nga ipatpataray ti Hamas idiay Gaza a nasurok 70 a Palestinians ti napapatay kalpasan ti Israeli air strike iti humanitarian area-da.
Naamuan a pinuntiria ti Israel dagiti nangangato a lider ti Hamas.
Malaksid kadagiti pimmusay ket 289 a tattao pay ti nasugatan, segun iti statement ti health ministry.
Kuna ti Hamas a ti panagpaputok ket nangdungpar iti lugar ti al-Mawasi iti asideg ti Khan Younis, nga isu ti pangisaysayangkatan ti militar ti Israel a kas humanitarian zone, a nangidagadag kadagiti Palestinian nga agsapul iti pagkamangan idiay.
Kinuna ti maysa nga opisial ti Israeli strike ket pinuntiria na ti Hamas’s military wing a ni Mohammed Deif, no sadinno nga iti open area ket naruay dagiti terorista ti Hamas ken awan dagiti sibilian.
Ni Rafa Salama, ti komander ti Hamas para iti Khan Younis, ket napuntiria met iti panagpaputok, kinuna ti opisial, no sadinno nga inawagan ti intelligence daytoy a pasamak nga “umiso laeng”.
Ngem inpetteng ti Hamas a maysa daytoy a kina-ulbod.
