LAOAG CITY – Umaboten iti nasurok a 80 a tattao ti napapatay iti napasamak a sectarian violence iti amianan a laud ti Pakistan.
Malaksid iti daytoy ket umaboten iti 160 ti nasugatan.
Ti panagraut ket napasamak iti uneg ti tallo nga aldaw a nangrugi idi Nobiembre 21.
Imun-una iti daytoy, maipalagip a nasurok 40 ti natay idi rinaut dagiti armado a convoy dagiti Shia Muslim nga agdaldaliasat iti laksid nga adda dagiti kameng ti puslisya a nang-escort kadakuada.
Naruay metteng a residente iti amianan a laud ti Pakistan ti nagbakwit gapu ta adda posibilidad a maituloy ti rinupak iti nagbaetan ti Sunni ken Shiite Muslim.
Kabayatanna, agtultuloy met ti panangiwayat ti human rights group ti tignay protesta seknan iti daytoy.
