LAOAG CITY – Naibunong ti aggatad ti 9,359,000 nga agricultural inputs kadagiti mannalon ken mangngalap ditoy siudad ti Laoag babaen ti Local Government Unit.
Ti nadakamat a pundo ket aggapo iti City Agriculture Office ken City Disaster Risk Reduction and Management Office.
Dagiti nasao nga agricultural inputs ket dagiti sumaganad, fertilizer, urea fertilizer, hybrid yellow corn seeds, hybrid white corn seeds, mungbean seeds, various vegetable seeds, tilapia fingerlings, fish feeds, 40 goats, 40 a buryas, baka ken manok.
Mainaig iti daytoy, kagiddan ti panagibunong ket naiyuswat ti blessing iti baro a Multi-Purpose Hall Training Center babaen ken ni Msgr. Joel Barut iti St. Williams Cathedral Parish.
Kabayatanna, ti nasao a Multi-Purpose Hall ket agbalor ti 3 a milyon a pisos ken ti pundo ket manipod iti 20% a Development Fund ti City Government iti 2023.
