LAOAG CITY – Dumanonen iti 94 a tattao ti pimmusay kalpasan iti iduduprak ti Hurricane Helene iti dakkel a paset ti Florida.
Agtultuloy ti isaysayangkat a recovery dagiti otoridad iti North Carolina, Atlanta ken iti Florida.
Nakasubli met iti normal nga operasion dagiti sumagmamano a flights idinto nga adda dagiti lugar iti Florida ti awan pay ti suplay ti kuriente.
Agtultuloy nga agbirbirok dagiti otoridad iti Buncombe County, North Carolina iti naipadamag a maysa a ribu nga indibidual ti mapukpukaw.
Immapela ni South Carolina Governor Roy Coopersa ti tulong gapu iti nakaro a pannakalayos iti adu a lugar a sakupenna.
Maipalagip a nangitunda ti napigsa a tudo idiay Florida, South Carolina ken Georgia ti Hurricane Helene nga adda iti category 4.
