LAOAG CITY – Ipadalan ti Office of the Ombudsman iti lifestyle checks ti 107 nga opisyal ti gobyerno.
Inrakurak ni Ombudsman Jesus Crispin Remulla a kaadoan kadagiti maipadalan iti lifestyle checks ket manipod iti maaw-awagan nga “income generating agencies” kas ti Land Transportation Office (LTO) ken Bureau of Customs (BOC).
Kuna ni Remulla a mabalin a manayunan pay ti bilang dagiti opisyal nga ipadalan da iti lifestyle checks gapu ta agtultuloy ti panagkalap da ti impormasyon.
Ti nasao nga addang ket manipod iti pammilin ni Presidente Ferdinand Marcos nga ipadalan iti lifestyle checks dagiti opisyal ti gobierno.
Namonganay ti pammilin gapu ta adda ti sumagmamano nga opisyal ti gobyerno a nairaman iti maanomalya a flood control projects iti pagilian.
