LAOAG CITY – Nasurok a 10,000 dagiti lugan a natiliw iti intero a pagilian idi Hunyo ita a tawen iti babaen ti “No Registration, No Travel” policy ti Land Transportation Office (LTO).
Inbatad ti Land Transportation Office nga adda ti 10,461 a lugan ti natiliw iti napalabas a bolan.
Inpakaammo ti Land Transportation Office a manipod iti nasao a bilang ket 9,212 ti naiyisoan ti traffic violation tickets idinto a 1,601 dagiti lugan a na-impound.
Kaadoan kadagiti natiliw ket motorsiklo a 6,824, sumaruno dagiti tricycle a 1,787, private vans a 954, private sedans a 451 ken dagiti trak a 230.
Nagballaag ti Land Transportation Office a 10 ribo a pisos ti multa dagiti matiliw iti “No Registration, No Travel.”
Segun ken ni Land Transportation Office chief Vigor Mendoza a sumagmamano kadagiti natiliw a lugan ket maipaspasada nga awanan ti umno a permit.
