LAOAG CITY – Naideployen dagiti kameng ti Philippine National Police kadagiti polling precincts ditoy probinsya para iti 2025 Midterm Elections intono Lunes, Mayo 12.
Daytoy ti inpakaammo ni Police Major Sheryl Guzman, ti pannakangiwat iti Ilocos Norte Police Provincial Office.
Segun kenkuana, adda ti pakabuklan a 1,369 a kameng ti pulisya ti naideploy kadagiti poling precinct iti intero a probinsya.
Inlawlawag ni Guzman a ti mandato ti higher office iti Philippine National Police ket masapul nga adda ti dua a pulis nga agbantay iti kada polling precinct.
Mainaig iti daytoy, kuna ni Guzman a katulongan da dagiti kameng ti Phil Army, Bureau of Fire Protection, ken dagiti barangay tanud.
Innayon na a 24/7 nga nakabantay dagiti pulis aginggana intono Mayo 12.
