LAOAG CITY – Umaabot iti 20 milyon dagiti Pilipino ti mapagam-amkan nga agsakit ti kanser gapu iti panagsigarilyo.
Daytoy ket basar iti panelist iti The 2nd National Harm Reduction & Nicotine Summit iti Citadines Bay City, Pasay City.
Insayangkat ti summit ti coalition ti consumer groups, health advocates at policy experts, kadwa da ti Philippine E-Cigarette Industry Association (PECIA), maysa nga independent industry association dagiti manufacturer, importer ken retailer ti vape.
Segun kada Dr. Rohan Savio Sequeira ti Society of Medically Harm Reduced Alternatives (SOMHRA), Dr. Lorenzo Mata ti Quit for Good at PECIA President Joey Dulay, mabalin a makissayan ti peggad iti babaen ti iyaakr ti alternatibo a produkto, usto a regulasyon ti gobierno ken balanse a panagbuwis.
Inpetteng dagiti speaker a ti kangrunaan a rason ti perdisyon manipod iti tradisyonal a sigarilyo ket ti panangpuur ti tabako a mangparnuay ti narisgo a kemikal, ken saan a ti nicotine laeng.
Inbatad pay ti grupo a ti nakaro a pannakaipangato ti buwis iti e-cigarettes ken vapor products ket mabalin a saan a makatulong iti pananglapped iti panagsigarilyo.
Innayon ti grupo a mabalin nga agsubli iti tabako ti sumagmamano nga agus-usar ti e-cigarette kapag no nangina unay ti vapor products.
Mabalin pay a lumawa ti illicit trade ti sigarilyo ken vapor products a saan dumalan iti usto a kontrol ti gobierno.
