LAOAG CITY – Nangiwaras ti Japan ti nasurok a 2 ribo a bombero tapno sebseban ti maibilang kas kadakkelan a forest fire iti pagilian iti uneg ti tallo a dekada.
Basar iti report, addan ti maysa nga indibidual a kumpirmado a natay iti nasao a forest fire.
Inbatad ti Fire and Disaster Management Agency (FDMA) nga addan ti nasurok a 5,200 acres iti ciudad ti Ofunato ti nauram.
Agarop 4,600 a tattao ti nagtalinaed kadagiti evacuation centers no sadinno nga agarop 2 ribo manipod iti nasao a bilang ket napanda paylaeng nakipagnaed kadagiti papagayam da.
Mapatta-patta met a nasurok a pasdek ti nadadael gapu iti mapaspasamak a forest fire iti nadakamat a pagilian.
