LAOAG CITY – Umabot iti nasurok a 200 nga hog raisers a naapektaran ti African Swine Fever (ASF) virus ti nakaawat ti ayuda ditoy ciudad ti Laoag.
Daytoy ti inbatad ni Doctor Charito Malicad, ti information officer iti gobierno lokal ditoy ciudad.
Segun ken ni Malicad, ti naited nga ayuda kadagiti nasao nga hog raisers ket naggapo iti 1.6-milyon a pisos a pondo ti ciudad.
Inlawlawag ni Malicad a babaen iti naited nga ayuda kadagiti hog raisers ket adda ti pangrugyan da manen nga agnegosyo kalpasan a naikali dagiti ado a taraken da a baboy gapu iti ASF virus.
Innayon na a manamnama nga adda pay dagiti sumaruno a bansada ti hog raisers a maikkan ti ayuda.
