LAOAG CITY – Umabot iti nasurok a 216,000 a job vacancies ti maidiaya iti pannakaipatungpal ti nationwide job fairs babaen ti Department of Labor and Employment (DOLE) para iti Labor Day intono Mayo 1.
Daytoy ti inbatad ni Department of Labor and Employment Secretary Bienvenido Laguesma.
Inpakaammo ni Laguesma a ti job fairs ket maipatungpal iti agarop 69 sites iti intero a pagilian no sadinno nga agarop 2,281 nga employers ti makipartisipar, karaman ditoy ti overseas employment.
Innayon ti sekretaryo a kalikagom da a maartapan ti naidiaya a trabaho iti napalabas a tawen.
Kabayatanna, kaadoan kadagiti maidiaya a trabaho ket manipod iti manufacturing, retail, business process outsourcing (BPO), accommodation/food service activities, ken financial/insurance industries.
