LAOAG CITY – Umaboten iti nasurok a 217 a milyon a pisos ti nairekord a balor dagiti nadadael iti benneg ti agrikultura ditoy probinsya gapu iti iduduprak ti bagyo Nando.
Inlawlawag ni Mr. Danilo Arado iti Provincial Agriculture Office a karaman dagiti nadadael ket ti pagay nga agbalor ti P196,399,922.45 milyon a pisos; P5,657,686.33 ti corn, P8,032,678.92 ti high value crops, ti P714,897 iti fisheries ken ti agri-infra ket P1,511,950.
Kaadwan kadagiti nadadael ket manipod iti ili Dingras nga agbalor ti balor a P53,525,700 milyon a pisos, sumaruno ditoy ciudad ti Laoag a P40,528,345, maikatlo ti Vintar a P23,071,120 ken iti Batac City a P20,713,585.
Adda mret ti 16,975 a mannalon a naapektaran iti probinsia gapu ti nasao a bagyo.
Kuna ni Arado a dakkel ti epektona daytoy kadagiti mannalon rason a rinugyananen ti gobierno provincial ti nagibunong ti tulong kas ti abuno ken nakadepende pay no ania dagiti kangrunaan a kiddawen dagiti maseknan.
Kabayatanna, inbatad na a gapu iti pannakadadael dagiti nateng ket adda met ti possible a panagngato ti presyo na.
