LAOAG CITY – Umabot iti nasurok a 22 ribo a pulis ti maiwaras iti nagduduma a lugar iti pagilian, karama dagiti asideg iti Batasang Pambansa Complex iti Quezon City a pangiyuswatan ni Presidente Ferdinand Marcos Jr. ti maikatlo nga State of the Nation Address (Sona) na intono Hulyo 22 ita a tawen.
Segun ken ni National Capital Region Police Office (NCRPO) chief Major Gen. Jose Melencio Nartatez Jr., adda ti pakabuklan a 22,621 a pulis ti iwaras da ken mangbukel pay ti sub-task groups.
Innayon na nga iwaras da ti security ken medical assistance, katulungan da ti public ken private agencies.
Iti nasao a bilang, 17,971 kadagitoy ket manipod iti National Capital Region Police Office ken 1,879 manipod iti dadduma nga unit ti Philippine National Police, karaman ti police regional Offices ti Central Luzon ken Calabarzon.
Kabayatanna, ti 2,771 a pulis ket aggapo ti nagduduma nga ahensya ti gobierno ken force multipliers.
