LAOAG CITY – Nasurok a 24 a ribo a pampubliko a pagadalan iti intero a pagilyan ti agkurkurang kadagiti kwalipikado a principal gapu iti nababa a passing rates kadagiti eksaminasyon a kasapulan para iti nasao a posisyon ken hiring policy ti Department of Education (DepEd) a maikonsiderar nga outdated.
Daytoy ti naamoan iti kaudian nga evaluation ti Second Congressional Commission on Education (Edcom 2) iti education sector.
Iti kaudian a datos ti Department of Education, nakita nga iti 45,918 a pampubliko a pagadalan iti intero a pagilian ket 20,718 wenno 45 a porsiento laeng ti addaan ti prinsipal a nakapasa iti qualifying exams iti posisyon.
Addaan met ti 5,904 exam takers ti saan pay a nai-promote kalpasan a nakapasa iti National Qualifying Examinations for School Heads (NQESH) idi 2021 ken 2023.
Ti National Qualifying Examinations for School Heads ket compulsory exam para kadagiti agkalikagom nga agbalin a principal ken assistant principals.
