LAOAG CITY – Nasurok a 250 a tattao manipod iti 20 a nationalities nga agtrabtrabaho iti telecom fraud centers iti Karen State iti Myanmar ti nawaya-wayaan babaen ti ethnic armed group ken naikabil da idiay Thailand.
Naamoan a kaadoan kadagiti nadakamat a mangmangged ket aggapo da iti African wenno Asian nations.
Iti panagimbestigar dagiti otoridad iti Thailand ket naduktalan da a dagiti maseknan a mangmangged ket agpapada a biktima ti human trafficking.
Maipalagip nga iti napalabas a lawas ket nakipagkita ni Thailand Prime Minister Shinawatra ken ni Chinese leader Xi Jinping no sadinno nga inkari na a maminpinsa a parikepan na ti scam centres a masarakan iti Thailand-Myanmar border.
