LAOAG CITY – Umabot iti nasurok a tallo a ribu a mannalon iti ili ti Solsona ti nakaawat ti fertilizer discount voucher.
Daytoy ti inpakaammo ni Engr. Ranison Narciso, ti Municipal Agriculturist iti nasao nga ili.
Kunana a babaen iti daytoy a programa ket matulongan dagiti mannalon gapu iti kinangina ti presyo dagiti agricultural inputs.
Patien ni Narciso a ti sangkabassit a diskwento da ket dakkel a makatulong kadagiti mannalon tapno saan da unay manginaan kadagiti kasapulan da iti panagtalon.
Innayonna a ti pannakaited ti discount voucher kadagiti mannalon ket maysa laeng kadagiti naruay a program ti lokal a gobierno iti ili ti Solsona para kadagiti mannalon nga isu ti maipangpangruna iti pagilian iti agdama.
