LAOAG CITY – Umabot iti nasurok 500 a tattao ti naitaray iti ospital kalpasan ti maipagarop a pannakasabidong da iti kinnan da a Banh Mi sandwich a ginatang da iti maysa a shop iti southern Vietnam.
Basar iti report, 12 kadagitoy a pakairamanan ti dua nga ubbing a lallaki ket kritikal ti kondisyon da.
Gapu iti daytoy, ti nasao a bakery a masarakan iti probinsya ti Dang Nai ket temporaryo a napaserraan.
Mapapati a ti nasao a sandwich ket alisto a nabangles no sadinno a resulta daytoy ti nakaro a kinabara ti panawen.
Iti inisyal nga imbestigasyon, inadmitir ti bakery a saanna a nagun-od ti food safety standards.
Ti Bánh mì ket tradisyunal a sandwich idiay Vietnam.
