LAOAG CITY – Nasurok a 5,000 a pedaso ti bola-bola pao ti napagtitipon tapno makabukel ti maysa nga higante a food display iti maysa a mall iti ciudad ti Rosales iti probinsya ti Pangasinan.
Paset daytoy ti culinary showcase ti event a “Foodtok: Feed Your Feed to a Feast,” a mangitampok kadagiti paborito a taraon dagiti Pilipino iti pagkaing Pilipino sa naidumduma a pannakaipresentar na.
Ti rinibo a bola-bola pao ket insagana dagiti chef manipod iti Angkong Noodle House ken naurnus kas maysa a dakkel a visual attraction para kadagiti aggatang ken bumisita iti mall.
Segun ken ni Assistant mall manager Michelle Charlene “Chao” Chua, paset daytoy ti tradisyon ti mall nga ipakita ti taraon ken kultura iti babaen ti dadakkel ken naidumduma ti disenyo na a food installations.
Maipalagip nga idi Pebrero 2025, nangitampok ti mall ti higante a tikoy, idinto a nasurok a 9,000 a pedaso met a butchi ti inusar ti maysa pay a food display idi Pebrero 2026.
