LAOAG CITY – Umabot iti 5 ribo agingga iti 10 ribo a driver ken operator ti transport cooperatives ti makipaset ti “unity walk” ita nga aldaw, Agosto 5, tapno irupir ti panangkontra da ti resolusyon ti Senado a mangirekomendar ti pannakasuspenso iti Public Utility Vehicles Modernization Program (PUVMP).
Nagtitipon dagiti pro- Public Utility Vehicles Modernization Program group iti Mabuhay Welcome Rotunda sa Quezon City kalpasan na nga agmartsa da nga agturong iti Palasyo ti Malacañang.
Segun iti Kooperatiba at Korporasyon ng Alyansang Pilipino para sa Modernisasyon (AKKAP MO), maaddaan pay ti aggigiddan a welga iti nagduduma a paset ti pagilian kas ti Cagayan de Oro ken Cebu.
Inpetteng ti Alliance of Transport Operators and Drivers Association of the Philippines (ALTODAP), a saan a naikkan ti gundaway nga agsarita dagiti pro- Public Utility Vehicles Modernization Program group iti panagdengngeg ti Senado.
Immuna iti daytoy, 22 manipod iti 23 a senador ti nagpirma iti maysa a resolusyon nga agpanpanawagan iti temporaryo a pannakasuspenso ti Public Utility Vehicles Modernization Program.
Kabayatanna, inrakurak ni Philippine National Police (PNP) spokesperson Police Colonel Jean Fajardo a nangikabil da ti border controls ken checkpoints para iti maiyuswat nga unity walk.
Innayon na nga adda pay dagiti inwaras da a mobile patrol vehicle no bilang kasapulan ti nayun a transportasyon.
