LAOAG CITY – Umabot iti 1,228,058.7 grams a shabu ti nakumpiskar ti National Bureau of Investigastion ken dagiti dadduma a law enforcements sipud idi Hulyo agingga iti Nobyembre ita a tawen iti intero a rehiyon uno.
Daytoy ti inbatad ni Atty Benjamin Gaspi, ti Regional Director ti Philippine Drug Enforcement Agency iti Rehiyon Uno.
Inbatad ni Gspi a malaksid iti shabu ket nakakumpiskar da pay ti 4,802. 47 grams ti napagango a bulong ti marijuana idinto a 56, 406 seedling ti marijuana ken nakagabot da ti 2,238.
Inpakaammo na nga umabot amin ti P7.41-bilyon a pisos ti balor dagiti nakumpiskar da a shabu ken marijuana iti nasao a panawen iti intero a rehiyon uno.
Innayon na nga adda met ti 708 nga indibidual a naarestar da gapu iti illegal a droga no sadinno a 52 kadagitoy ket High Value Individual.
Immuna iti daytoy, naideklararen kas drug cleared municipality iti ili ti Solsona ken Pagudpud idinto a drug cleared city iti ciudad ti Batac.
Inrakurak pay ni Gaspi nga adda ti 14 a barangay ditoy probinsya ti naideklarar a drug cleared barangay idi laeng nobyembre ita a tawen.
Gapu iti daytoy, addan ti 14 nga ili ken maysa a ciudad ti nadalusan manipod iti illegal a droga ditoy Ilocos Norte no sadinno a kadagupan iti 559 barangays ditoy probinsya ket 484 ditoyen ti naideklarar kas drug cleared.
Iti Ilocos Region ket addan ti 5.86% wenno 192 a barangay laengen ti apektado ti illegal a droga iti intero a Rehiyon Uno.
