LAOAG CITY – Nasurok a 80 nga opisial ti Sangguniang Kabataan (SK) iti Iloilo City, nga idauluan ni SK Federated President Jelma Crystel Implica, ti bimmista ken ni SK Ilocos Norte President Eldritz C. Viernes iti Sangguniang Panlalawigan Session Hall, Provincial Capitol.
Ti panagbisita ket paset ti benchmarking efforts ti SK Iloilo City a mangidiaya kadagiti best practices ken mangpapigsa kadagiti youth governance initiatives iti nagbaetan ti dua a local government units.
Timmabuno met ni Ilocos Norte Youth Development Officer Willie Jake B. Sib-at iti nasao a miting.
Mainaig iti daytoy, ti diskusion iti nagbaetan dagiti SK Federations ket nakasentro iti youth empowerment, edukasyon, ken community service programs.
Kabayatanna, inpeksa ni Vierne a ti panangbinnulig ti SK Iloilo City ken SK Ilocos Norte ket maysa a makapagagar a gundaway a mangibinglay kadagiti kapanunotan ken mangparnuay kadagiti proyekto a mangpabileg kadagiti agtutubo.
