Naituding a mangrugi ti Department of Education (DepEd) manipud 2025 agingga 2029 ti pannakaipatungpal ti proyekto nga aggatad iti nasurok P30 billion a pangtarimaan kadagiti pagadalan a nakaro ti pannakadadael gapu kadagiti kalamidad idi 2019 agingga 2023.
Segun iti Department of Education, ti Infrastructure for Safer and Resilient Schools ket napateg a paset ti MATATAG agenda ni Vice President ken Education Sec. Sara Duterte.
Inaprobaran ti National Economic and Development Authority nga idauluan ni Presidente Bongbong Marcos jr. ti multi-billion peso project para iti rehabilitation ken reconstruction dagiti pagadalan iti ruar ti Metro Manila.
Kabayatanna, manamnama a 4,756 a pasdek ti pagadalan, 13,101 a classrom ken 741,038 nga estudiante iti 1,282 a target school beneficiaries ti magunggonaan iti daytoy a proyekto.
