LAOAG CITY – Umaboten iti nasurok a sangaribo a tattao ti natay iti napasamak a landslide iti kabanbantayan paset ti western Sudan.
Daytoy ti kinumpirmaran ti rebelde a grupo a The Sudan Liberation Movement/ Army.
Nupay kasta, inbatad ni Antoine Gérard, ti United Nations deputy humanitarian coordinator for Sudan a narigat da paylaeng nga i-assess kadagitoy a gundaway t pudno a bilang dagiti natay gapu ta narigat a danunen ti lugar a nakapasamakan ti landslide.
Napasamak ti landslide kalpasan ti sumagmamano nga aldaw a pinagtudtudo na ti napigsa ti nadakamat a lugar.
Iti agdama, agtultuloy ti panagbirbiruk dagiti otoridad kadagiti possible a survivor gapu ta ado pay dagiti mapukpukaw a residente kalpasan ti insidente.
