LAOAG CITY – Nasurok lima a milyon a pisos ti balor ti nadadael iti sektor ti agrikultura ken fishery ditoy probinsya gapu iti bagyo Ulysses.
Inbatad ni Provincial Agriculturist Mrs. Norma Lagmay a basar iti report dagiti municipal agricultural offices ket iti ili ti Pagudpud, Burgos ken Bangui dagiti kangrunaan a nadadael ti pagay.
Kuna na nga agdagup ti nasurok tallo a milyon a pisos ti balor dagiti nadadael a pagay idinto a nasurok maysa a milyon a pisos ti perdisyon iti benneg ti fishery.
Mainaig iti daytoy, inpakaamo ni Lagmay a nangipaay ti ahensya ken ti Department of Agriculture iti bukel ti mais ken nateng kadagiti naapektaran a mannalon.
Innayun na a a karaman a naipaay ti bin-i a pagay kadagiti mannalon tapno masuar para iti second crop.
