LAOAG CITY – Addan ti nasurok 1.1 a milyon a nutribun ti naibunong ti Office of the Vice President (OVP) kadagiti napili a pagadalan nga addaan ti nangato nga insidente ti malnutrision kadagiti ubbing manipud idi Mayo 2023 agingga idi Abril 2024.
Iti accomplishment report ti Office of the Vice President, dumanon iti 1,182,892 buns ti naipaayen kadagiti 14,472 nga estudiante a benepisiario ti “Pansarap Program.”
Target ti Pansarap Program ti Office of the Vice President nutritional supplementation program dagiti agad-adal a maibilang a “severely wasted.”
Maibasar daytoy nga inisyatibo iti Philippine Plan of Action for Nutrition (PPAN) guidelines ken agpaut iti 120 nga aldaw tapno maipasigurado ti pannakataripato ti salun-at dagiti ubbing.
Kabayatanna, nabenepisiaran dagiti 119,234 nga indibidual ken 30,120 a pamilia manipud kadagiti medical assistance ken burial assistance programs ti Office of the Vice President.
