LAOAG CITY – Dumanon iti 1,100 ti baro a cancer cases ti naduktalan kadagiti Pilipino iti United Arab of Emirates iti kada tawen, basar iti maysa nga espesyalista nga adda iti pagilian iti napalabas a 10 tawen.
Segun ken ni Dr. Mohanad Diab, Medical Oncology Consultant, iti nasao a bilang, mapattapatta a 250 ti baro a breast cancer cases a maday-diagnose iti kada tawen no sadinno kaadduan a nairekord ket manipud idiay Dubai ken sinaruno ti Abu Dhabi.
Inbatad ni Dr. Diab a ti kangrunaan a kanser a mairekrekord kadagiti Pilipino idiay United Arab of Emirates ket breast cancer, sinaruno ti cervical cancer, colon ken lung cancer.
Naammoan nga adda ti support programs ti United Arab of Emirates para kadagiti pasiente a saanda a kabaelan ti gastos iti panagpaagas iti nasao a sakit.
Kabayatanna, agarup maysa a milyon a Pilipino idiay United Arab of Emirates, kagudua iti nasao a bilang ti adda idiay Dubai, maibasar iti Philippine embassy iti pagilian.
