LAOAG CITY – Inwaragawag ti military idiay Nigeria a nawaya-wayaan aminen dagiti 44 nga agad-adal ken mangisursuro a kinautibo dagiti armado a lallaki, addan dua a bolan ti napalabas.
Maipalagip a napan pwinersa nga innala dagiti armado a lallaki dagiti biktima iti pagadalan iti abagatan a paset ti estado ti Oyo.
Segun iti military, sumagmamano a soldado ti natay kabayatan ti naisayangkat a rescue mission.
Iti agdama ket manarimaan ti pannakaipadalan ti medical treatment dagiti biktima ngem saan a naipublikar no sadinno nga ospital ti ayanda.
