LAOAG CITY – Naisalakan dagiti otoridad iti Malaysia ti ginasut nga ubbing nga agnanaed iti care homes kalpasan a maipagarop a maab-abuso dagitoy physically ken sexually.
Umabot met iti 170 nga indibidual ti natiliw a pakairamanan ti Islamic religious teachers ken dagiti caretakers iti welfare homes.
Segun ken ni Police inspector-general Razarudin Husain, adda ti pakabuklan nga 402 nga ubbing a dagitoy ket agtawen ti maysa agingga iti 17 ti naisalakan da iti estado ti Selangor ken Negri Sembilan.
Inpakaammo na a ti naiyuswat a panagraot ket pakairamanan ti agarop 1,000 a personnel manipod iti pulisya ken dadduma nga ahensya.
