LAOAG CITY – Umabot iti nasurok nga uppat a ribu a mannalon ti nakaawat ti fertilizer discount voucher iti ili ti Vintar.
Ti fertilizer discount voucher a naibunong kadagiti mannalon iti ili ti Vintar ket aggapo iti opisina ni Congressman Sandro Marcos.
Inbatad ni Mayor Richard Degala, umabot iti 9.6-milyon a pisos ti balor dagiti naibunong a fertilizer discount voucher kadagiti 4, 697 a mannalon iti ili ti Vintar.
Nagyaman met ti mayor ken ni Congressman Marcos iti sabali manen a tulong nga inpaay na kadagiti kailian na.
Segun ken ni Degala, ti pondo para iti naibunong a fertilizer discount voucher ket kiniddaw ni Congressman Marcos iti Department of Agriculture – Regional Field Office I.
