LAOAG CITY – Umabot iti nasurok nga 6 a ribo a tattao ti natay iti uneg ti tallo nga aldaw iti naan-anayen a panangsakop ti Paramilitary Rapid Support Forces (PRSF) ti ciudad ti el-Fasher idiay Sudan iti napalabas a tawen.
Basar iti report, arigna awan ti aniaman ti panangpatay ti Paramilitary Rapid Support Forces kadagiti rinibo a tattao nga agnanaed iti university building idi Oktubre 2025.
Adda pay dagiti naiparuk-at nga ebidensya dagiti napasamak a mass killings, summary executions, torture, abductions ken sexual violence kontra kadagiti sibilyan idiay Sudan.
Agpapan ita ket awan pay ti inparuk-at a komento ti Paramilitary Rapid Support Forces iti nasao a report ngem immunan a naglikudan da dagiti naglabas nga akusasyon kontra kadakuada.
