LAOAG CITY – Nakaipaayen ti Department of Social Welfare and Development ti nasurok P1.9 million a balor ti relief assistance kadagiti pamilya iti Bicol, Central Visayas ken CARAGA nga apektado iti iduduprak ti Bagyo Tino.
Segun kenni DSWD spokesperson and Assistant Secretary Irene Dumlao, ti nasao a tulong a pakairamanan ti food and non-food items (FNFIs) ket manamnama a ngumato pay gapo ta agtultuloy ti situational analysis dagiti field offices iti bukod da a lugar.
Inlawlawag na nga idi naminsan nga aldaw da pay laeng nga imonmonitor ti sitwasyon ken ti pannakikoordenar da kadagiti field offices iti local counterparts ken inpasigurado dagitoy a nakasagana da a mangnayun no kasapulan.
Inbatad na a no kasapulan ti nayun a tulong ket alisto a ma-access dagiti food packs and non-food items gapo ta addan dagitoy kaagiti lugar nga apektado.
Kabayatanna, kuna ni Dumlao nga awan met ti napasaran a karit ti ahensya iti disaster response operations gapo ta naka-preposition dagiti relief goods iti babaen ti Buong Bansa Handa (BBH) program.
