LAOAG CITY – Inpakammo ni Police Lt. Col. Regina Abanales iti Assistant Chief iti Regional Civil Security Unit 1 a nasurok pay lima a ribo a saan pay a nakapag-renew ti lisensya ti paltog da ditoy probinsya.
Segun kenni Abanales, gapo iti daytoy ket gutgutiguten na dagiti maseknan a saan pay a nakapaglisenysa a gundawayan ti License To Own and Possess Firearm wenno LTOPF and Firearms Registration Caravan iti Gabut Norte iti ili ti Badoc.
Inbinsa-binsa met ni Abanales ti proseso para iti panakarenew ti lisensya ti paltog, no sadinno a ti ummuna ket masapol a tumawag iti PNP-Badoc iti numero a 0915-4488-965 para iti panagparehistro ken tapno maited ti schedule wken no adda ti saludsod ket tumawag laeng iti Regional Civil Security Unit 1 iti numero a 0917-7758-928 ken 0998-5643-602.
Kunana a tapno marenew ti lisensya ket masapol a valid ti License To Own and Possess Firearm wenno LTOPF ken maala daytoy babaen iti panangisubmitir met ti National Police Clearance, LTOPF form ken dumalan iti neuro exam ken drug test.
Inbatad na a no ti registraion met ti expired ket kasapulan da laeng ti agfill-out ti form ken isubitir da iti submit iti Regional Civil Security Unit 1.
Masapol met nga aprubaran ti Firearms and Explosives Office sakbay a maited ti Reference Number nga isu ti mausar para iti panagbayad da.
Kalpasan daytoy, masapol nga isubmitir da ti resibo ken alaen dan ti LTOPF card.
Mainaig iti daytoy, kunana nga idi kalman, umabot laeng iti 88 a firearm holders ti nanggundaway iti caravan manipud iti 100 a target da iti inaldaw.
