LAOAG CITY – Nasurok sangapulo a ribu a tattao ti nagtitipon iti ruar ti National Assembly ti South Korea a mangaw-awag iti pannakaikkat ni South Korean President Yoon Suk Yeol.
Idi laeng kalman, nagpadispensar ni Yoon gapu iti panangideklarana iti martial law idi December 3 ket inpasigurado na a saanan nga uliten daytoy.
Ti protesta iti ruar ti National Assembly ket napasamak sumagmamano nga oras sakbay a naiwayat ti panagbubutosan dagiti miembro ti national assembly ti mosion ti oposision a mang-impeach ken ni Yoon
Ti coallision ti oposision, nga addaan iti kaaduan iti parlamento, ket kasapulanna laeng ti walo a kameng ti partido ni Yoon a mang-impeach kenkuana.
