LAOAG CITY – Umaboten iti nasurok uppat a milyon nga indibidwal ti bilang dagiti naapektaran iti nagsasaruno a bagyo a dimmuprak ditoy pagilian.
Ti datos ket basar iti kaudian a monitoring ti National Disaster Risk Reduction and Management Council (NDRRMC).
Kangatuan ti Bicol region a nakairekord ti nasurok 1.9 million nga indibidual gapu ta ti nasao a rehiyon ket isu ti nagsentroan ti bagyo ‘Kristine’ ken bagyo ‘Leon’.
Maikadwa ti Cagayan Valley nga addaan ti 809,637 nga indibidwal a naapektaran gapu iti nagbalin nga epekto ti bagyo ‘Ofel’.
Nakairekord met ti Eastern Visayas ti 408,593 nga indibidwal, idinto nga iti Central Luzon ket 331,531 nga indibidwal.
Iti agdama ket adda pay laeng 244,492 a tattao a nagtalinaed kadagiti evacuation center iti intero a lubong.
