LAOAG CITY – Nabirokanen ti motorsiklo nga immunan a natakaw babaen kadagiti saan a nabigbig a menor de edad iti Brgy. 22 San Cristobal iti ili ti Sarrat.
Immunan a natakaw ti motorsiklo ni Jeff Ramos a Yamaha mio i125 iti mismo a solar ti pagtaengan da.
Inlawlawag na a pasado alas-dos idi kalman ti malem a nagpukaw ti motorsiklo na kalpasan na nga inlinong.
Kuna na nga agarup 10 a minotos laeng ti napalabas idi napan nagdigos ken nagsukat tapno agturong ditoy suidad ti Laoag kalpasan na nga inlong ti motorsiklo na iti pagtaengan da.
Gapu iti daytoy, nagpatulong ni Ramos iti PNP Sarrat ken dagus a nabirokan da ti motorsiklo iti Brgy. Bacsil ditoy siudad ti Laoag babaen kadagiti CCTV footage.
Inbatad ni Ramos nga inpan dagiti nagtakaw ti motorsiklo iti kabanbantayan ken idiay nga inikkat da dagiti side mirror, sticker ken dagiti dadduma a pagilasinan ti motorsiklo na.
Inbunannag na a dagiti menor de edad a nangitaray ti motorsiklo na ket agtawen ti 13 ken agtawen ti 17 ken naglugan da iti TMX 155 a motorsiklo ken residente da iti Brgy. Bacsil ditoy siudad ti Laoag.
Innayon ni Ramos a nakaplano dagiti suspek seknan iti panangtakaw a da iti motorsiklo na.
