LAOAG CITY – Agtultuloy ti imbestigasyon dagiti otoridad mainaig ti pannakatakaw ken pannakadadael ti maysa nga sports car a kukua ti maysa a Filipino-American iti Big Island, Hawaii.
Iti report ni Bombo International News Correspondent Manny Pascua, ni Marilyn Calaro Roark tubo iti Binaratan, Sarrat iti akin anak iti agtagikua ti sports car a natakaw idi Abril 10, 2020.
Kuna na a natakaw ti nasao a kotse iti mismo a pagtaengan da.
Inbatad ni Pascua a nadiskrubre ti anak ni Mrs Roark iti maysa a facebook account no sadino ti pakabirokan ti kotse.
Nasarakan da ti kotse ngem narangrangkayen daytoy.
Atapen ti pamilya Roark a ti possible a nanglukat ken nangtakaw iti kotse ket dagiti nangilako gapu ta maipagarup nga adda ti duplicate ti tulbek sakbay a nailako.
