BOMBO LAOAG – Natay ti maysa a lakay kalpasan a nagbekkel iti Barangay Nagbacalan idiay ciudad ti Batac.
Nabigbig daytoy a ni Constantino dela Cruz, agtawen iti 60 ken residente ti nasao a barangay.
Iti inisyal nga imbestigasyon, possible a depresyon ti rason a nagpakamatay ti nasao a biktima gapu ta maipagarop a saanna a maiyawid ti lugan na ditoy pagilyan manipod idiay Hawaii.
Naamoan a ni dela Cruz ket naideportar manipod Hawaii ngem saan pay a nalawag no ania ti nagbalin a kaso na.
