LAOAG CITY – Natay ti maysa a motorista kalpasan ti desgrasya iti bisinidad ti Ilocos Norte-Apayao Road iti paset ti Bgry. 24 Sta. Monica iti ili ti San Nicolas.
Nabigbig ti natay a ni Rodel Garcia y Vidad, agtawen ti 32, awanan ti asawa ken residente ti Brgy. 23 iti ili ti Sarrat.
Agnagan met ti Zaldy Antonio Jr., agtawen ti 26, awanan ti asawa ken residente iti Brgy. 1, San Nicolas.
Segun ti imbestigasyon, kabayatan nga agpaamyanan a direksyon dagitoy ket napukawan ti kontrol ni Garcia isut gapo na a na-slide dagitoy.
Naitaray dagiti biktima iti Governor Roque Ablan Sr. Memorial Hospital ditoy ciudad ti Laoag ngem naideklara a ni Garcia ket dead on arrival idinto a no Antonio ket manarimaan ti pannakataming na.
Rumrumwar a na-slide dagitoy gapo ta saan da a napakadaan ti matartarimaan a parte ti kalsada.
Iti panagturong ti Bombo Radyo iti mismo a nakapasamakan ti insidente, nakita a kumpleto ti signages iti pannakatarimaan ti parte ti kalsada.
Apaman a maisursurat ti damag ket saan pay a adeterminar no ti driver ket adda iti impluwensya ti nasanger.
Manarimaan met ti imbestigasyon dagiti otoridad mainaig ti insidente.
