LAOAG CITY – Nagtalinaed iti kustudyar ti PNP dagiti 11 a tattao, pakairamanan ti maysa a doktor kalpasan a natiliwan da nga agsusugal idiay Brgy 23. San Matias ditoy ciudad ti Laoag.
Iti panagresponde dagiti kameng ti PNP iti maysa a balay iti nasao a barangay ket naaktwan da a mismo ti panagsusugal da Jessica Corpuz, Dr. Lynn Suarez, Austin Corpuz, Mary Rose Salvador, Joy Lyn Albano, Janine corpuz, Paul John Gagarin, Jeniña Mae Repato, Alvin Soria, agpapada a residente ditoy ciduad ti Laoag; idinto a da Reynante Sarandi ken Bryan Tangan, agpada a residente idiay ciudad ti Batac.
Nakumpiskar dagiti otoridad iti bag ni Dr. Lyn Albano iti agarop P50,887, 100 Singaporean dollar ken adda pay iti Saudi Arabia Riyal dollar idinto a naala iti bag ni Joy Lyn Corpuz iti P30,233 ken 400 US dollars.
Malaksid ti daytoy, nakumpiskar pay dagiti otoridad iti lugar ti nagduduma ti klase na ti chips, baraha, Majong marker, selpon, nasurok a 7 ribo a pisos ken dadduma pay a personal a gamit dagiti akusado.
Iti agdama, maisagsaganan ti maipila a kaso a kontra kadagiti suspek.
