LAOAG CITY -Napaluspusanen ti natiliw a maysa kadagiti suspek iti pannakapalto-paltog ti pamilya Laforga idiay brgy. La Virgen Milagrosa idiay ili ti Badoc.
Nabigbig ti suspek a ni Clarence Bautista y Ladera a taga Brgy. Garreta iti nasao met laeng nga ili.
Naamoan a napaluspusan daytoy babaen ti mandar ni Robert L. Garcia, agdama nga acting officer-in-charge iti Assistance Provincial Prosecutor.
Daytoy ket gapo ti kinakurang ti ebidenysa nga inpila dagiti kameng ti PNP-Badoc.
Nupay kasta, masapol nga agisumitir daytoy ti counter affidavit na iti uneg ti 10 nga aldaw seknan ti kaso kontra kenkuana nga murder, two counts of frustrated murder, attempted muder ken panaglabsing iti omnibus election code wenno comelec gun ban.
Maipalagip a naarestar ti Bautista kalpasan a binigbig ti maysa kadagiti biktima a daytoy ti maysa kadagiti suspek iti pammaltog a nakatayan ni Ramil Laforga ken nakasugatan dagiti dua nga annak na.
