LAOAG CITY – Mairubuaten inton Hulio ti national emergency hotline tapno mapapigsa ti seguridad ditoy pagilian.
Inbatad ni Pres. Ferdinand Marcos Jr. a ti Unified 911 Emergency System ket manamnama a marugianen a maipatungpal iti Central Visayas, Ilocos Region, National Capital Region (NCR) ken Bangsamoro Autonomous Region in Muslim Mindanao (BARMM).
Kagiddan daytoy ket marugian metten ti panagwaras ti ad-adu a kapulisan nga aw-awaganda a “Cops on the Beat.”
Immunan nga inbatad ti Department of the Interior and Local Government (DILG) a ti nasao nga emergency hotline ket agus-usar ti baro a teknolohia tapno maiyalisto ti panagresponde dagiti kapulisan.
